Avant première du Festival Lume - Histoires lumineuses
Marcuri, era ghjornu d’antiprima pà u fistivali Lume – Histoires Lumineuses, prupostu gratisi da l’Uffiziu llu Turismu llu Paesu Aiaccinu. U fistivali hà da curra da u 17 à u 19 d’uttrovi, mittindu in lumu a cità impiriali.
Pà issa prima edizioni, l’OIT hà da prupona trè sirati, pà una spassighjata nuttambula in centru cità, suvitendu u passu di Napulionu.
A prughjizzioni videò à nantu à i mura lla cappedda impiriali hà da essa unu di i mumenti di primura d’issa manifistazioni. Issa prughjizzioni, a pudareti ritruvà ghjovi à nantu à u nosciu situ.
Issu fistivali Lume pudaria duvintà l’appuntamentu aspittatu llu vaghjimu aiaccinu.
