Autonomie : Le sénateur LR Francis Szpiner vent debout
Marcuri à u senatu, ci hè statu un beddu chjama è rispondi mentri i quistioni à u guvernu. Francis Szpiner, u senatori LR, hà accusatu u guvernu « d’avè zifratu cù a Cosica un scrittu chì faci furzatura à i principii ripublicani ».
« Aveti scustruitu a ripublica è aveti stappatu u vasu di Pandora », hà lintatu Francis Szpiner.
À senta lu, u scirttu chì ricunnosci una cumunità storica, linguistica, culturali, chì teni una leia particulari cù a so tarra » hè una manera sviata, mascarata ancu, di ricunnoscia un « populu corsu » o a « cuufficialità di a lingua corsa ».
« A ripublica hè unica è indivisa, è cusì a difindaremu », hà aghjustatu u senatori LR.
In risposta, gérald darmanin hà pricisatu ch’iddu hà travaddatu « non solu cù l’autunumisti, chì ani vintu trè volti l’alizzioni tarrituriali in Corsica, ma ancu cù u prisidenti Marcangeli è cù Madama Bozzi, chì sò di u vosciu gruppu puliticu ».
U ministru d’altrondi hà ripricisatu l’affari. À senta lu, in iss’accordu « ùn sò privisti nè u populu corsu, nè a cuufficialità, nè u statutu di risidenti ».
Sur le même sujet
