Autonomie : le gouvernement soumettra le projet de révision avant la fin juin 2024
Marcuri, in u quadru llu so travaddu cunsacratu à u prughjettu d’autunumia, si hè riunita a cunfarenza lli prisidenti di l’assemblea corsa.
Hà presu nota subitu di a ristituzioni, fatta da u prisidenti di l’esecutivu, di u cuntinutu di u so ritrovu in parigi cù u ministru di l’internu darmanin, marti u 13 di frivaghju.
U ministru avaria tandu datu cunfirma di a intinzioni di u guvernu di suttimetta u prughjettu di rivisioni custituziunali cunsacratu à a Corsica à u votu di l’assemblea francesa è di u senatu innanzi à a fini di u primu simestru llu 2024.
A cunfarenza di i prisidenti hè stata infurmata da Gilles Simeoni, è n’hà presu nota, chì darmanin avia dittu chì u guvernu cuntaia passà in fin’di frivaghju à a ridazzioni di u scrittu chì sarà suttimissu à u votu llu cungressu.
In cunsiquenza, a cunfarenza lli prisidenti hà dicisu di prisintà innanzi à issa data u risultatu di i so travadda à l’assemblea di Corsica è à l’eletti di a diligazioni pà u prucessu trà a Corsica è u statu.
Sur le même sujet
