Autonomie : Core in Fronte pourrait quitter les discussions si l'accord politique n'est pas à la hauteur des enjeux
« A quistioni corsa, ùn si pò accittà ch’idda si faccia via un niguziatu puliticu à minima. L’avemu aghjà ditta, l’unanimità, vulsuta da emmanuel macron, ùn hè micca a dimucrazia ! »
Eccu a bedda chjarificazioni lintata da Cori in Fronti in a so cunfarenza di stampa di marcuri.
A vendita à pezzi à pezzi di u prughjettu patriotticu impinsirisci u muvimentu, chì faci u rimprovaru di parichji stravieri è mancamenti :
- Un statutu di risidenza inveci di quiddu di risidenti, vutatu in u 2016 da una maiurità non naziunalista di l’Assemblea di Corsica.
- Una lingua corsa « accittata », ma micca ufficiali.
- Una cumunità di storia, di cultura, di tarritoriu, ma micca populu corsu.
L’altri partiti è gruppi pulitichi chì ani zifratu a dilibarazioni di u cinqui di luddu devini chjarificà publicamenti a so pusizioni à nantu à a so vulintà vera d’uttena un accordu puliticu d’altu liveddu, dici u partitu naziunalistu, chì hà ancu rimpruvaratu à i diputati naziunalisti u so votu à prò di a legi d’immigrazioni.
Steti à senta à Paul-Félix Benedetti
