Attentat d'Ajaccio : nouvelles précisions
(A redazzioni d'Alta Frequenza) - Dopu à l'attentatu chì hè accadutu stamani (dumenica) in Aiacciu, emi amparatu chì hè pocu chì u prunosticu vitali di a vittima hè ingaghjatu. Hè ciò ch'elli preciseghjani i servizii di a Prifettura di Corsica è di u ministeru publicu d'Aiacciu. A vittima hè un omu di una sissantina d'anni. Pari chì iss'ultimu surtia da un bar, quand'ellu hè statu feritu di modu gravi da una carica splusiva, lucalizata carrughju Maréchal Ornano. Iss'ultima era stata spiazzata impustata vicina à una rumenzala. I servizii d'investigazioni ùn schisani nisun via, pà ciò chì tocca à i causi pussibuli di iss'attentatu. Senza metta da cantu a vicinanza di u locu di a splusioni di u cumissariatu di a cità è di a prifettura, l'inchiestadori sò pochi cunvinti chì a sibula era ghjustu appuntu una di issi dui istituzioni quì. Sopralocu, sminadori è pulizzeri si sò mossi da racoglia u più indizii pussibuli.
Sur le même sujet
