Attentat contre une paillote en Haute-Corse
(A redazzioni d'Alta Frequenza) - Mentri chì un attentatu contr'à una residenza sicundaria ind'a nuttata di marcuri à ghjovi hè statu scupartu eri (vennari) à meza ghjurnata in Santa Lucia di Tallà (Corsica Suttana), una nova splusioni hè accaduta stanotti (di vennari à sabbatu) in Corsica Suprana, ind'a pineta di Calvi. Una pagliotta risturanti hè stata tocca versu 11 ori è mezu. I disguasti sò di pocu impurtanza. I gendarmi di Corsica Suprana è i sminadori sò andati sopralocu da rializà i primi investigazioni. Sicondi i servizii di a prifettura di Corsica, l'affari saria d'ordini privatu. Nisuna rivindicazioni hè stata rilevata.
Sur le même sujet
