Attentat contre la maison familiale de Simone Guerrini : les réactions
Photo via stella
Uni pochi d’ori dopu à l’attintatu chì hà toccu a casa di famidda di Simone Guerrini, sò stati parichji i riazzioni.
Pà u prisidenti di l’esecutivu, iss’attintatu « ùn si capisci, ùn si pò ghjustificà è impinsirisci ».
« Mandu u me sustegnu è a me sulidarità à Simone Guerrini è à a so famidda. Ci tocca à dì innò cullittivamenti à a logica di u scempiu », hà dittu Gilles Simeoni.
Par Jean-Christophe Angelini, « u incendiu criminali d’un bè di famidda di Simone Guerrini, eletta aiaccina cunnisciuta è stimata, ùn si pò accittà. Li voddu dì, à idda è à i soi, u me indifittibili sustegnu. A Corsica s’infanga ugni ghjornu è sempri di più in u disordini è i logichi di cunflittu internu. Ci tocca à riagì senza altru, cullittivamenti », dici u merri di Portivechju è cunsiglieri tarrituriali di u gruppu « Avanzemu ».
Pà u PNC, « da culandi à l’incapiscitura di pettu à iss’attu chì tocca una vechja famidda aiaccina cunnisciuta è rispittata da tutti, hè oramai u pinseri chì pidda a suprana, cù issa situazioni pulitica, grava è tossica bè ».
L’eletti di u gruppu « Un Soffiu Novu » di l’assemblea di Corsica, cundannani di manera ferma iss’attintatu.
Assicurighjani à Simone Guerrini di u so sustegnu è si dicini inchieti à veru
da a virsura ch’iddu pidda u vultà di a viulenza pulitica.
« A Corsica, avvena ùn n’hà à nantu à issa via. I provi d’intimidazioni, i distruzzioni di bè, l’usu di a forza ùn ci poni chè purtà à una strada ceca.
Piddà si ni, in cor’di a duminicata di Pasqua, à un’eletta impignata in a prumuzioni di a cultura ùn hà sensu, ed hè ancu una nigazioni di i valori chì custituiscini a noscia identità è di i nosci tradizioni, una nigazioni purtata da quiddi chì pratendini, à tortu, essa ni i guardiani ».
Sur le même sujet
