Attaque du Hamas en Israël : Valérie Bozzi interpelle Gilles Simeoni
Attaccu di u Hamas in Israela : Valerie Bozzi hà avvuciatu u prisidenti llu Cunsigliu Esecutivu lla Corsica.
«Fida à a noscia cultura di paci è sempri à fiancu à i populi aggriditi, dumandu di manera sulenna à u prisidenti llu cunsigliu esecutivu, à nomu di a Corsica è di i corsi, di cundannà com’è mè u maceddu di i tarruristi di u Hamas à nantu à u tarritoriu suvranu d’Israela ». hà dittu a merri di Grussetu è coprisidenti di u gruppu Un Soffiu Novu.
« Com’è par ciò chì tocca à l’Armenia, a Corsica è i so riprisintenti ùn si poni firmà indiffarenti à l’evenimenti successi dipoi sabbatu u setti d’uttrovi », cuntinuvighja l’eletta chì dici in chjudenda « pensu chì una risuluzioni di sustegnu à u populu d’Israela, masimu parvia di a leia storica trà l’isulani è i francesi di cunfissioni ghjudea, faria onori à a noscia stituzioni è ancu à i corsi. Pudeti cuntà à nantu à u nosciu gruppu par fà viaghjà cù voscu iss’iniziativa ».
