Attaque d'un fourgon blindé à Propriano: cinq personnes mises en examen
(A redazzioni d'Alta Frequenza) - Cinqui parsoni arristati vennari in Prupià, Purtivechju è in cuntinenti sò stati missi in asamini, ind'u quadru di l'inchiesta di l'attaccu di un camiò di trasportu di fondi accadutu di lugliu scorsu in Prupià (Corsica Suttana). L'infurmazioni hè stata cumunicata ssu marti da u prucuratori di a Republica d'Aiacciu, Xavier Bonhomme. Trè sò stati missi sottu à i marchjoni è dui sò stati prisintati davanti à u ghjudici di struzzioni. I cinqui omi t'ani trà 21 è 29 anni. I rimprovari pà a maiò parti di ssi parsoni sò un associu di malfattori, prova d'arrubecciu in gruppu urganizatu, ma dinò prova d'assassiniu postu chì i parsunali di u camiò si sò fatti tirà à dossu. Guasgi tutti i prutagunisti sò suspittati dinò d'avè vulsutu fà dopu un novu arrubecciu armatu. Rammitemi chì ss'ultimi aviani attaccatu un camiò di trasportu di soldi davanti à un'agenza bancaria prupianinca l'8 di lugliu di u 2013, senza riescia à buscà si i soldi malgradu tuttu. Dopu ch'elli fussini scappati, una vittura era stata ritrova brusgiata à a surtita di a cità.
Sur le même sujet
