Attaque contre un centre kurde à Paris : le soutien de Per a Pace
Per a Pace s’indigna è dinuncia l’attaccu tarruristu fattu in u 10esimu circundariu pariginu, à u 16 di u carrughju d’Enghien.
Una volta di più, u populu curdu hè toccu da un crimini tarribuli.
Iss’attintatu hè statu fattu à vighjilia di u 10esimu annivirsariu di u triplici assassiniu di militanti curdi in parigi, u 9 di ghjinnaghju llu 2013.
À tanti cumbattanti curdi, chì ani luttatu cù curaghju contru à u statu islamicu, ghjustizia ùn hè stata resa.
Parsicuzioni, riprissioni, arristazioni, turmenti… Eccu i tanti castichi chì toccani issu populu chì circa solu à campà cù a so storia, a so cultura, i so tradizioni.
U mesi scursu, Per a Pace era in Lavrio, in Grecia, da sustena, à torru à tanti altri associ, i curdi in a so vita cutidiana. Issi famiddi è ziteddi ùn bramani chè a paci. Ma issa paci, u statu turcu è u so prisidenti Erdogan a li ricusani, è a cumunità internaziunali l’hà abandunati.
Per a Paci manteni cù forza u so sustegnu à u populu curdu, in a so lutta pà u rispettu di i dritti umani, è in a so brama d’una vita ghjusta è degna.
Per a Pace ni chjama, una volta di più, a à francia, à l’Auropa, à l’ONU, à a cumunità internaziunali da fà la finita cù issa inghjustizia imposta à u populu curdu, è spera ch’idda surghjarà a virità.
Sur le même sujet
