Assemblée Générale d'Inseme per a Corsica
(A redazzioni d'Alta Frequenza) - Mudificà a Custituzioni, cambià l'istituzioni, hè inde issu cuntestu difficiuli, a prova cù u fiascu di u referendum di issa dumenica in Alsazia, chì Inseme per a Corsica hà tinutu a so Assemblea Ghjinirali com’è ogni annu in Corti. L’uccasioni pà u partitu naziunalistu di scuntrà i so militanti è di fà u puntu nant’à i sfarenti cartulari d’attualità liati à a Corsica. Un’AG à a vigilia di mumenti ditarminanti, com’è u votu à a fin di u mesi à l’Assemblea di Corsica di u statutu di cuufficialità di a lingua, o ancu discussioni impurtanti da quì à calchì settimana nant’à una pussibuli revisioni custituziunali, cù i nuzioni di statutu di residenti pà a prublematica fundaria è di regimi fiscali dirugatoriu frà altru. Inseme per a Corsica vulia prisintà dinò a so ligna strategica pà un antru annu, frà altru nanzi à i prossimi municipali di u 2014, è a necessità di una vera mubilisazioni. Un'assemblea ghjinirali chì intarveni ind'un cuntestu piuttostu cumplicatu, di pettu à un Statu chì pari essa di più in più bluccatu nant'à i quistioni custituziunali è istituziunali.
Ecoutez Gilles Simeoni.
Sur le même sujet
