Assemblée de Corse : tour de chauffe sur l'autonomie avant la session de mardi
Marti, a sissioni di l’assemblea di Corsica si hà da cunsacrà à u raportu pà l’autunumia è à u so prughjettu, prisintatu da u prisidenti di l’esecutivu.
Intantu, mentri ch’iddu era lettu u raportu di Romain Colonna cunsacratu à issu sughjettu, l’eletti di l’assemblea ani appruntatu i so argumenti.
Ugni gruppu hà dunqua fattu valè i so spiranzi è pinsera.
Jean-Martin Mondoloni, à nomu di Un Soffiu Novu, hà dittu ch’idda si punia quistioni lla viabilità d’un puteri lighjislativu, par casu ch’idda venga l’autunumia.
Steti lu à senta.
In cori à ciò chì fù a famidda naziunalista, u chjama è rispondi hè parsu un pocu narbosu, masimu dopu à una cumunicazioni di Corsica Libara.
Par Paul-Félix Benedetti, vulè ch’iddu riesca issu prucessu è circà à truvà calchì cunvirgenza, in issu cuntestu beddu particulari, ùn hè tradimentu.
Steti lu à senta.
Par Josepha Giacometti, a sola riprisintenti di Corsica Libara, l’accordu d’autunumia ùn pò essa altru chè puliticu.
Steti la à senta.
Gilles Simeoni hà fattu chjudenda d’issu dibattitu, ramintendu u scopu di a sissioni di marti, cù a validazioni d’un prughjettu d’autunumia chì ùn sarà nè una tappa com’è un’altra, nè mancu una fini.
Steti lu à senta.
Sur le même sujet
