Le Direct

Assemblée de Corse : Paul-Félix Benedetti déterminé à porter la voix indépendantiste sans se positionner dans une opposition pure et dure

I naziunalisti ch’ùn sò di a maiurità ùn aviani tutti u stessu visu issu ghjovi.
Quiddi di u PNC – masimu Jean-Christophe Angelini – ùn ani participatu à i voti, è pariani più dillusi chè allegri.
Senza cuntà chì Gilles Simeoni a si hè sfrancata, ringraziendu l’anziani di l’esecutivu, di mintuvà à quiddi llu PNC.
À veda ni a situazioni è u scartu trà i dui partiti, l’affari parini chjari : u PNC sarà un gruppu d’uppusizioni, è rigala à a maiurità di Gilles Simeoni ùn ni farà.

In quantu à u gruppu Cori in Fronti, hà prisintatu pà l’onori à Véronique Pietri à a prisidenza di l’Assemblea, po’ si hè astinutu pà l’alizzioni di l’esecutivu.

U gruppu indipindintistu ùn voli essa un’uppusizioni classica : l’ideali naziunali corsu hè a so primura maiori, è l’azzioni lla maiurità chì andariani in issu filu sarani sustinuti. Ma pà u restu, u gruppu si tinarà a pussibilità lla critica di a nova maiurità.

Steti à senta à Paul-Félix Benedetti