Assemblée de Corse : l'autonomie en débat
Hà da essa impurtanti issa ghjurnata di marti, à l’assemblea corsa : a sissioni strasurdinaria hà da trattà u raportu d’autunumia purtatu da a maiurità tarrituriali.
Com’è 23 anni fà, di marzu llu 2000 in u quadru di l’accordi ditti di Matignon, li tuccarà à dì, à l’eletti, s’iddi volini fà a legi o ghjustu adattà la.
Ma sta volta, hè bedda diffarenti a situazioni : a maiurità tarrituriali hè naziunalista, è ancu una bedda parti di l’uppusizioni !
U raportu prisintatu da Gilles Simeoni hè predica pà un’autunumia lighjislativa.
U gruppu d’uppusizioni di dritta, Un Soffiu Novu, s’upponi à issa nuzioni.
Passati i discorsa di a prisidenti di l’assemblea è di u prisidenti di l’esecutivu, s’attaccarani dibattiti è cuntribuzioni
Soca ch’iddi intarissarani ancu u prisidenti macron : duvaria d’altrondi fà evucazioni di a situazioni lla Corsica è di a pussibilità d’una rivisioni custituziunali, mentri u so discorsu llu 14 di luddu.
Sur le même sujet
