Assemblea di i Zitelli : faire de la pédagogie à la citoyenneté
(A redazzioni d'Alta Frequenza) - Fà pedagugia à a citadinanza ! Eccu u scopu di l'Assemblea di Corsica, cù a so 5esima edizioni chì hè stata urganizata a simana passata à l'Assemblea di Corsica. Ramintemi ch'ella hè cumposta di ghjovani corsi di 24 scoli di l'isula sana, da u CM1 fin'è a 5esima, chì ani travaghjatu cù i so insignanti à l'elaburazioni di dumandi à bocca è di muzioni. In u 2016, una muzioni aduttata duranti l'Assemblea di i Zitelli era stata ripresa da l'Assemblea di Corsica, parmittendu d'allargà u Pass Cultura à i sculari di u culleghju, mentri ch'ellu era distinatu fin'è tandu à i ghjovani trà 16 è 25 anni. A simana scorsa, hè a muzioni nant'à a criazioni d'una ghjurnata di scambiu trà i scoli, i culleghji è i licei cuncirnendu i parsunaghji storichi isulani, posta da u culleghju Pasquale Paoli di Corti, chì hè stata validata da l'Assemblea di i Zitelli. Ss'assemblea quì hè tandu un pianu in più inde l'edifiziu di a demucrazia in Corsica ?
Steti à senta à Ghjuvan Guidu Talamoni, u presidenti di l'Assemblea di Corsica.
Sur le même sujet
