Assassinat en Haute-Corse
(A redazzioni d'Alta Frequenza) - Un omu di una cinquantina d'anni hè statu tombu ssu marti da mani versu 7 ori è mezu in Balagna (Corsica Suprana), nant'à a cumuna di Monticellu. I succorsi, chjamati prima pà un accidenti di a strada, si sò resi contu, una volta ch'elli sò ghjunti sopralocu, ch'ellu si trattava bè di un umicidiu. Sicondu i primi elementi racolti, a vittima viaghjava nant'à una motò quand'ella s'hè fatta tirà adossu. I servizi inchiestadori sò in traccia di rializà i primi investigazioni. Ùn si ni sà micca di più par avà, par asempiu cuncirnendu l'identità di a parsona tocca. Saria u pruprietariu di un risturanti.
Sur le même sujet
