Le Direct

Assassinat de Maxime Susini : les premiers éléments de l'enquête

Cumencia a inchiesta dopu à l’assassiniu di sta mani in Carghjesi. I sirvizia lla pracura sò mossi supr’à locu. Ramintemu chì Maxime Susini, un militenti naziunalistu di trentasei anni, hè statu tumbu da una o parichji parsoni, à nantu à a marina llu Peru, vicinu à a so pagliotta.
À senta à Eric Bouillard, u prucuratori, a vittima hè ghjunta à motò. Era in traccia d’apra u so stabbilimentu quand’idd’hè stata colpa a prima volta, versu sett’ori è mezu. L’omu avaria pruvatu tandu à scappà versu a marina da salvà si da i tiri, ed hè quì ch’iddu saria statu colpu pà a siconda volta.
Una vittura, chì pudaria avè ghjuvatu à quiddi ch’ani tiratu, hè stata picciata vicinu à chivi. Par avali, a inchiesta ùn ni sceddi spiicazioni.