Assassinat de Maurice Costa : la JIRS se saisit du dossier
(A redazzioni d'Alta Frequenza) - Hè a JIRS di Marseghja chì duvaria pighjà u cartulari di l’assassiniu di Maurice Costa, da quì à calchì ora. Rammintemi chì quissu quì hè cascatu ind’una vera trappula, arimani (marti) quand’ellu era intraccia di fà i so corsi ind’una macellaria di u Ponte à a Leccia, spaziu Salvarelli. A ghjuridizzioni marsighjesa pighja u cartulari ch’ella t’avia in manu u ministeru publicu di Bastia di pettu, sicondu l’inchiestadori, à a parsunalità di a vittima. A pulizza ghjudiziaria bastiaccia ferma quantunqua incaricata di l’investigazioni. Ghjustu appuntu, una vittura brusgiata di modu sanu hè stata ritrova in Castirla, dopu à iss’assassiniu. Da u cantu di l’inchiesta, si stima ch’ella pudaria essa a vittura di i tumbadori. Iss’ultimi avariani utilizatu un arma di grossu calibru, ma l’autopsia di a vittima duvaria parmetta di sapè ni appena di più nant’à l’elementi balistichi.
Sur le même sujet
