Assassinat de Maître Sollacaro : l'enquête évolue
(A redazzioni d'Alta Frequenza) - Novi arristazioni inde l'inchiesta nant'à l'assassiniu di l'avucatu Sollacaro. Trè parsoni sò stati intarpillati trà arimani (dumenica) è oghji in Corsica è ind'u rughjoni di Parighji. Una hè stata arristata ind'un hôtel di a sponda meziornu di u golfu d'Aiacciu, in Purtichju. I dui altri in Nanterre. Issi trè omi sariani cunnisciuti da i servizii di pulizza, è liati à u banditisimu corsu o à affari inghjiru à a droga. Malgradu tuttu par avà, ùn ci hè nulla chì faci dì à l'inchiestadori chì issi trè parsoni sò liati di modu direttu o s'elli ani participatu à l'assassiniu di l'anzianu numaru unu di l'ordini di l'avucati d'Aiacciu. Pà ciò chì tocca à i numarosi arristazioni di a settimana scorsa in Aiacciu, Parighji è Marseghja, è chì si faciani inghjiru à una motò ritrova ind'u Taravu, è chì avaria pussutu serva à i tiradori, trè parsoni sò stati trasferiti in Marseghja. Prisintati à un ghjudici di a JIRS, t'ani oramai u statutu di testimoniu assistutu.
Sur le même sujet
