Assassinat de l'Isolella : deux personnes en garde à vue
Hè attaccata a inchiesta pà l’assassiniu d’Eric Andraud, successu marti matina in l’Isuledda, à nantu à a cumuna di a Pitrusedda.
Hà ramintatu Nicolas Septe, u prucuratori, « ch’iss’omu di 62 anni, pissinista di mistieri, hè statu toccu da parichji cartucciati, à torru à u so locu di travaddu in a Pitrusedda. Si n’hè mortu subitu parvia di i so ferti.
À pena dopu, versu i novi ori menu cinqui, i inchiistadori di a BRI, chì faciani surviglianzi pà un’altra inchiesta priliminaria aparta da a pracura, ani intarpillatu dui parsoni ch’aviani picciatu un Renault Scénic à torru à u cimiteriu di Purtichju. I dui parsoni purtaiani mascari di prutizzioni è capuccini.
I dui intarpillati sò stati missi in guardia à vista ».
À senta ni a pracura sempri, « a vicinanza in u tempu trà issi dui evenimenti, l’assassiniu è u incendiu vulintariu di a vittura, hà pirmissu d’apra una inchiesta à mutivu d’assassiniu in banda urganizata è distruzzioni di bè via mezi piriculosi ».
Issa inchiesta hè stata missa in mani à a DTPJ d’Aiacciu.
I primi invisticazioni duvariani permetta di pricisà u mutivu d’iss’assassiniu, è di piddà nota di i dichjarazioni è spiicazioni di i dui parsoni intarpillati è idintificati da a BRI quand’iddi mittiani u focu à a vittura, à pena dopu à i fatti : quissa hè a solita tecnica di i sgaiuffi di u gran’banditismu pà fà spariscia l’indizii ».
I guardii à vista poni durà 96 ori.
Sur le même sujet
