Assassinat de Jean-Luc Chiappini : réactions en cascade
(A redazzioni d'Alta Frequenza) - Riazzioni à parechji sò ghjunti ind'a nostra redazzioni dopu à l'assassiniu di Jean Luc Chiappini. Marylise Lebranchu, ministra di a dicintralisazioni stima chì "pighjendu si ni à M.Chiappini, l'autori di issu crimini ani uffesu un elettu di a Republica. Hè a demucrazia è a raprisintazioni citadina chì sò uffesi". Dominique Bucchini, stima chì "quandu i mandati publichi, quantu l'attività ecunomichi, quandu l'asgi di i ghjovani si facini cù daretu à què issa prissioni chì ùn si pò suppurtà, hè u funziunamentu nurmali di a sucità chì diventa minacciatu". U presidenti di l'Assemblea di Corsica ni chjama à u Statu. "Surpresa, spaventu, incumprensioni, collara viva, emuzioni è tristezza prufonda" eccu i sintimi spressi da i membri di l'Associu Dipartimintali di i Merri di Corsica Suttana dopu à iss'assassiniu. L'Associu Corsu di l'Eletti di a Muntagna, cundanna anch'ellu iss'umicidiu è "voli renda un umaghju à l'elettu di tarrenu, à u presidenti di u parcu, ma dinò à l'omu, impastatu di i valori di a Corsica". U Presidenti, l'eletti, a Direzzioni è tutti l'agenti di a Camara d'Agricultura di Corsica Suprana, "s'indegnani di pettu à l'assassiniu vigliaccu di Jean Luc Chiappini, ..., è cundannani cù a più grandi forza iss'attu udiosu chì faci cascà torna a Corsica in u bughju". Infini, Laurent Marcangeli, diputatu di a prima circuscrizizoni di Corsica Suttana faci sapè anch'ellu a so collara. Collara spressa à u nostru microfonu.
On écoute Laurent Marcangeli
