Le Direct

Assassinat de Jean-Dominique Allegrini Simonetti : l'enquête se poursuit

(A redazzioni d'Alta Frequenza) - Mentri chì i funerali di Jean-Dominique Allegrini Simonetti, tombu rammintemu la marti da mani in Balagna, si farani issu dopu meziornu (ghjovi) à 3 ori in Aregnu, l'inchiesta cuntinueghja. L'autopsia praticata arimani hà parmissu di cunfirmà chì iss'ultimu hè statu toccu da parechji balli di grossu calibru, una seria di colpi à l'arma automatica. Investigazioni novi rializati nant'à i lochi di u crimini è ind'a vittura duvariani parmetta di cunnoscia di modu appena più pricisu comu ch'elli ani agitu l'assassinu o l'assassinii. Ciò chì hè sicuru, hè chì iss'ultimu o iss'ultimi cunnisciani l'abitudini di a vittima, chì pighjava ogni mani à listessa ora issa strada liendu Aregnu à Algaghjola. Pocu elementi dunqua è un'inchiesta chì pudaria essa difficiuli d'appressu à u prucuratori di Corsica Suprana.