Assassinat de Jean-Dominique Allegrini Simonetti : l'enquête débute
(A redazzioni d'Alta Frequenza) - Dopu à l'assassiniu di Jean Dominique Allegrini Simonetti, stamani (marti) in Balagna, servizii inchiestadori è di u ministeru publicu sò sopralocu è rializeghjani sempri l'investigazioni è i primi custatazioni. U prucuratori di a Republica si duvaria sprima d'altrondi nant'à i fatti in principiu di dopu meziornu. Nant'à i circustanzi, pocu elementi novi sò spuntati. Si sà solu chì a vittima hè stata ritrova, tocca da parechji impatti di balli, drentu à a so vittura, nant'à a strada trà Algaghjola è Aregnu. Jean Dominique Allegrini Simonetti t'avia una cinquantina d'anni. Avia avutu u so chì fà parechji volti cù a ghjustizia, d'appressu à a prifettura di Corsica. Par avà malgradu tuttu, i squadri di gendarmeria, chì sò incaricati di l'inchiesta, ùn schisani nisun ipotesi. L'ori à vena duvariani arricà forsa elementi novi.
Sur le même sujet
