Assassinat de Jean-Baptiste Ottavi à Eccica è Suaredda : les dernières informations
Eccu calchì pricisioni di u prucuratori lla ripublica par ciò chì tocca à l’assassiniu di ghjovi matina, versu u Ponti di i Setti Polli, in Eccica è Suaredda.
« Supr’à locu, i inchiistadori ani trovu a salma di Jean-Baptiste Ottavi, d’età 43 anni, à cinquanta metra da a strada, à nantu à u violu in tarra chì viaghja versu a furesta.
I loca sò stati prutetti subitu.
I sirvizia lla pulizza ghjudiziaria d’Aiacciu è a BNLCOC ani presu in carica l’affari, postu chì i fatti portani à creda ch’iddu si tratta d’un’esecuzioni », hà dittu Nicolas Septe.
« Hè stata fatta un’autupsia, è pari chì l’omu sichi statu toccu dui volti à u minimu, da un’arma di caccia », hà spiicatu u prucuratori.
« Parvia di u cuntestu d’iss’assassiniu, chì pari liatu à u gran’banditismu, a pracura di a JIRS di Marseglia hè stata infurmata d’iss’affari è si teni, par avali, in ussirvazioni », hà dittu in chjudenda u prucuratori.
Sur le même sujet
