Assassinat d'Antoine Francisci : les trois co-accusés acquittés
Dopu à parichji ghjorna d’un prucessu beddu tesu, a corti d’assisi d’Ecchisi hà datu a so sintenza pà l’assassiniu d’Antoine Francisci, 22 anni, successu di maghju llu 2019 in Petralba, è pà a prova contru à Laurent Emmanuelli.
Dominique Costa, Pierre-Louis Vignali è Mathieu Fondacci sò stati assolti, ùn issendu cunsidarati nè culpevuli nè rispunsevuli di l’assassiniu è di a prova.
I trè parsoni erani stati missi in causa da a mamma lla vittima, à parta si da un’infurmazioni anonima.
Ma i trè parsoni sò stati cundannati quantunca à mutivu d’associu di malfattori, dopu successi issi fatti.
Dominique Costa hè statu cundannatu à deci anni di prighjunia – i dui terzi d’issa pena issendu di sicurità – è à a intirdizzioni par cinqui anni di vena in Corsica o in Bouches-du Rhône.
Pierre-Louis Vignali è Mathieu Fondacci sò stati cundannati à novi anni di prighjunia, u primu issendu cundannatu par cinqui anni à ùn andà in Cismonti, è u sicondu à ùn andà in tutta a Corsica.
Dui altri parsoni, ghjudicati solu à mutivu d’associu di malfattori, sò stati cundannati ancu iddi : François Santelli, chì passaia libaru, hè statu cundannatu à sei anni fermi di prighjunia, cù u mandatu di dipositu fattu in tribunali, è Nicolas Vinciguerra hè statu cundannatu à dui anni di prighjunia attimpati.
Sur le même sujet
