Assassinat d'Ajaccio : les premiers éléments de l'enquête
U prucaratori lla ripublica hà datu calchì pricisioni, dopu à l’assassiniu di Angel Luis Hernandez, successu marcuri à sera in Aiacciu.
Pricisa Nicolas Septe chì, « versu i deci ori è vinti lla sera, un individivu chjamatu « Le Cubain » hè statu toccu da parichji tiri d’arma à focu à nantu à a via publica, à liveddu d’una risidenza lli Sanguinarii, mentri ch’iddu si ni riintria in casa soia cù u so scooter. A posta era da supra à a strada chì sbucca à nantu à a so casa, è ùn lacà piazza à u dubitu pà l’appruntera di l’umicidiu è u fattu ch’iddu era aspittatu l’omu».
À senta ni u prucuratori sempri, «i tistimogni parlani di dui parsoni faccipiatti, chì sò scappati cù una vittura di marca Dacia, ritrova picciata, à pena dopu, versu u cimiteriu llu cannicciu ».
U maghjistratu di pirmanenza di a pracura hè mossu supr’à locu à piddà nota di i primi elementi.
Nicolas Septe hà datu cunfirma chì, pochi tempi fà, a vittima avia binifiziatu d’un accunciamentu lla so pena, di tippu libarazioni cundiziunali ».
Una inchiesta hè stata aparta, à mutivu d’assassiniu, ch’idda porta a DIPN 2A (a divisioni di a criminalità urganizata).
U modu uparatoriu d’iss’assassiniu inditta à i sirvizia lla inchiesta un’azzioni liata à u gran’banditismu.
A JIRS di Marseglia hè stata avirtuta di u fattu.
