Arrivée du gaz en 2023 : Fabienne Giovannini répond à Maria Giudicelli
(A redazzioni d'Alta Frequenza) - Sissioni nova di l'Assemblea di Corsica pà ssi dui ghjorni (ghjovi è vennari). Parechji raporti sarani torna studiati, com'è quillu nant'à u contu amministrativu 2015 di a CTC. Nanzi à què, è com'è sempri, i cunsighjeri esecutivi è i cunsighjeri tarrituriali ani participatu à a seenza di i dumandi à bocca. Intarrugazioni nant'à l'ecunumia, a saluta, o ancu cuncirnendu l'affari dittu "Reims-SC Bastia". Altra tematica amintata, quilla di l'energia cù una dumanda di a cunsighjera tarrituriali Prima a Corsica Maria Giudicelli nant'à u Pianu d'alimentazioni energetica di a Corsica cù u gaz naturali liquificatu. Dopu a visita di a ministra Ségolène Royal u 13 di ghjunghju scorsu in Aiacciu è l'annunziu di a ghjunta di u gaz in u 2023 pà i cintrali di l'isula, l'anziana cunsighjera esecutiva vulia metta in risaltu certi intarrugazioni o cosi ancu sicuri, chì criariani calchì incertezza ch'ellu ùn ci voli micca à metta da cantu. Maria Giudicelli hà intarrugatu di fattu à Fabienne Giovannini nant'à l'azzioni pricisa di a CTC à u nivellu di u Statu pà guarantiscia a missa in opara effettiva di u prughjettu annunziatu da Ségolène Royal è tutti i so mudalità. A presidenti di l'Agenza di l'urbanisimu hà rispostu à l'intarrugzaioni di a cunsighjera tarrituriali Prima a Corsica. S'ella ci devi essa a cunfidenza, hè u casu dinò pà a vigilenza strema, mentri chì u travaghju hà da cuntinuà in cullaburazioni stretta trà a CTC è u guvernu pà riescia nant'à tutti i punti indispinsevuli pà fà sbuccà ssu prughjettu.
Steti à senta à Fabiana Giovannini.
Sur le même sujet
