Arrêtés Miot : Paul Giacobbi réclame une modification de la Constitution
(A redazzioni d'Alta Frequenza) - "Hè evidenti chì ùn ci hè cà una mudificazioni di a Custituzioni ammintendu a Corsica inde l'articulu 72, chì parmittarà à a cullettività di riceva cumpetenzi fiscali veri è d'avè frà altru a pussibilità di metta in ballu una fiscalità ind'u duminiu di i successioni, adattata à i particularisimi di l'isulanità". L'infrasata, longa hè vera, hè stratta da u cumunicatu di stampa diffusatu oghji (ghjovi) da Paul Giacobbi in riazzioni à a dicisioni di u Cunsighju custituziunali. L'infrasata hè longa ma tuttu hè dittu in fatti : fora di una mudificazioni custituziunali, ùn ci sarà micca salvezza; micca solu d'altrondi pà l'arresti Miot, ma pà tuttu ciò chì pudaria tuccà à a Corsica inde tutti i riformi à vena. U presidenti di l'Esecutivu rigretta l'incunsequenzi di i parlementarii corsi chì si sò missi insemi pà issa scelta pessima è rammenta cun amarezza ch'ellu avia fattu cunnoscia u so timori parechji volti nant'à l'incustituziunalità di a mudificazioni aduttata da l'Assemblea Naziunali. Aldilà di l'attivisimu è di a mossa pulitica chì pò essa fatta.
Écoutez Paul Giacobbi.
Sur le même sujet
