Appel mis en délibéré au 25 octobre pour Charles Santoni
(A redazzioni d'Alta Frequenza) - Ssu marcuri, a Corti d'Appellu di Bastia hà asaminatu u casu di Charles Santoni, chì passava in appellu dopu essa statu assoltu in un prima tempu in u quadru d'un affari pà minacci di morti contr'à un'agenti di u sirviziu penitenziariu in u Borgu. Ssi minacci sariani intarvinuti duranti un azzuffu trà Charles Santoni è ssa cunsighjera di u SPIP di ghjinnaghju scorsu. L'avucatu generali hà dumandatu deci mesi di prighjoni pà i fatti contr'à Charles Santoni, incarciaratu dipoi vintun'anni pà l'umicidiu di un pulizzeru di u RAID in u 1996 in Aiacciu, mentri chì l'avucata di a parti civili hà dumandatu un auru simbolicu di danni è intaressi. A dicisioni sarà cunnisciuta u 25 d'uttrovi. Charles Santoni hà dittu torna chì ssa donna dicia bugii, mentri chì ss'ultima, prisenti à u cuntrariu di u prima prucessu, hà mantinutu i so dichjarazioni. Pà l'avucatu di Charles Santoni, maestru Emmanuel Mercinier Pantalacci, u so clienti ùn hà micca intaressi à dì bugii inde st'affari quì, soprattuttu ch'ellu saria in cuntradizzioni tutali cù u so prufilu.
Steti à senta à maestru Emmanuel Mercinier Pantalacci.
