Antoine Mondoloni élu Président de la CCI Régionale
(A redazzioni d'Alta Frequenza) - Ssu vennari in Bastia c'era l'alizzioni di u novu presidenti di a Camara di Cumerciu è d'Industria righjunali di Corsica, cù u prifettu di Corsica Christophe Mirmand, è u prifettu di u Cismonti Alain Rousseau. Com'è a voli a regula dipoi u 2011, dopu à dui anni di guvernenza assicurata in Corsica Suprana da Paul Trojani eppo da Jean Dominici, u novu presidenti hè membru di a CCI di Corsica Suttana. Un solu candidatu s'hè prisintatu, Antoine Mondoloni, quattriesimu vici presidenti di a CCI 2A, elettu à l'unanimità di i 31 parsoni chì ani vutatu presidenti di a CCI di Corsica. Quissu quì, chì hà cuminciatu u so discorsu cù un umaghju forti à Jacques Nacer, anzianu presidenti di a CCI 2A assassinatu à u mesi di nuvembri scorsu, hà insistutu nant'à a necessità di una vera visioni righjunali, vitali à parè soiu, pà affruntà un'ecunumia in difficultà è chì cambia sempri.
On écoute Antoine Mondoloni.
