Ange Pietrucci a été assassiné en Castagniccia hier
(A redazzioni d'Alta Frequenza) - Ange Petrucci, 45 anni, hè cascatu sottu à i palli di unu o parechji tiradori eri (marti). I fatti sò accaduti ind’u paesi di Casalta, in Castagniccia. L’omu, scunisciutu da i servizii di pulizza, hè mortu ghustu dopu à a ghjunta di i succorsi. Iss’ultimi sò stati missi à capu chì un veiculu era accidintatu vicinu à l’imbracamentu di Prunu. Quand’elli sò ghjunti sopralocu, i spinghjifochi ani pruvatu à purtà succorsu à a vittima, marcanti di frutti è ligumi, ma in vanu. In issu mentri, un perimetru di securità hè statu missu in ballu da i gendarmi di A Porta, è i primi investigazioni ani principiatu. Pari chì Ange Petrucci sia statu toccu da un fucili di caccia. L’autopsia parmittarà di cunfirmà què. L’inchiestadori ùn schisani nisuna ipotesi par avà.
Sur le même sujet
