Andy Fromageau acquitté : le parquet fait appel
(A redazzioni d'Alta Frequenza) - U ministeru publicu hà dicisu oghji (luni) di fà appellu di a dicisioni prununziata sabbatu da a corti d'assisi di i minori di Corsica Suttana dopu à u prucessu d'Andy Fromageau. I ghjurati ani stimatu, rammintemu la, chì u ghjuvanottu, accusatu d'avè tombu i so parenti è i so dui fratelli chjuchi d'aostu di u 2009 in Agosta, ùn era micca rispunsevuli di i so atti, ghjunghjendu ni à a cunclusioni ch'ellu ùn sapia micca ciò ch'ellu facia à u mumentu di i fatti. A famighja di i so parenti, chì s'era custituita partita civili, ùn hà micca fattu appellu di issu ghjudiziu par contu soiu.
