Analyse des eaux de baignade : le rôle de l'Office de l'Environnement de la Corse
(A redazzioni d'Alta Frequenza) - Com'è ogni annu à listessa epica, l'Agenza Righjunali di a Saluta avia invitatu a stampa arimani (marcuri), da prisintà i risultati d'analisi nant'à a qualità di l'acqui duva omu và à ciuttà si, ch'ella sia in mari o à u fiumi in Corsica. In u 2011, nant'à i 226 siti cuntrullati, 99% di quilli di mari è 97% di quilli di fiumi erani di modu rispittivu di bunissima è di bona qualità. Pà quist'annu, u bilanciu pruvisoriu di a campagna di survighjenza à u 6 di lugliu parla di 99% di i prilevamenti chì sò glubalmenti di bona qualità, malgradu una piccula calata pà i siti di fiumi. È ancu puru s'è calchì puntu negativu ferma com'è ind'u Taravu, u Prunelli è u Golu, o ancu di modu pruvisoriu à u Meziornu di Calvi o à a Sauvagie in Purtivechju, hè un missaghju pusitivu chì l'ARS voli fà passà à a pupulazioni. L'analisi sò rializati cù l'Uffiziu di l'Ambiu di a Corsica, ind'u quadru di una cunvenzioni di partenariatu cù l'ARS. L'OEC chì t'hà un rolu finanziariu, ma dinò di sinsibulisazioni ind'i cullettività lucali, cù un seguitu à longu andà.
Les précisions de Serge Calendini, pour le département Prévention et Gestion des Milieux Aquatiques à l’OEC.
Sur le même sujet
