Amiante à Bastia : Vinci Construction Terrassement condamné
(A redazzioni d'Alta Frequenza) - Dopu à un'audienza chì era stata urganizata u 9 di lugliu scorsu, u tribunali currizziunali di Bastia hà fattu cunnoscia a so dicisioni u 2 di sittembri cuncirnendu a prutezzioni di l'operai annant'à un tarrenu induv'ellu c'hè u tigliu. U Levante priciseghja di fattu chì "in u quadru di a custruzzioni annant'à un tarrenu induv'ellu c'hè u tigliu, palazzi Mandevila, valli di u Fangu, in Bastia, u difettu di prutezzioni di l'operai di u cantieru (u fattu di rispirà fibri di tigliu custituisci un periculu murtali) hè statu ricunnisciutu". U Levante priciseghja dinò chì u tribunali hà cundannatu VINCI Construction et Terrassement, primu gruppu mundiali di custruzzioni à un'amenda di 150 000 auri. L'audienza s'era passata u 9 di lugliu è u ghjudiziu missu in deliberazioni.
Sur le même sujet
