Amaury de Saint-Quentin nouveau préfet de Corse remplace Pascal Lelarge
Dopu à un annu è mezu d’una prisenza marcata da rilazioni invispiti cù a maiurità tarrituriali, u prifettu lla Corsica pidda u largu, chì u cunsigliu lli ministri l’hà trovu una piazza à u cunsigliu di statu.
Sarà rimpiazzatu da amaury de saint-quentin, u prifettu di u Val d’Oise.
L’omu, d’età 61 annu, hà travaddatu in i cabinetti di jacques toubon è édouard balladur. Hè statu merri di Putanges-Pont-Ecrepin – iè chì issu nomu asisti - è cunsiglieri ginirali di l’Orne, trà u 1994 è u 2008.
Cunsiglieri di michèle alliot-marie quand’idd’era ministra, hè intrutu in a prifitturali in u 2009, issendu prifettu di l’Ardescia.
In u 2011, hè statu prifettu lla Guadaluppa, po’ hà presu in u 2013 a dirizzioni di l’ARS d’Alta Nurmandia. Hè turratu in a prifitturali in l’isula lla Riunioni, in u 2017, po’ in u Val d’Oise toccu u 2019.
Sur le même sujet
