Alerte Rouge concernant les dons du sang en PACA Corse
I pruvisti in sangu di i rughjoni PACA è Corsica sò mal’paiati, cù una calata di 500 sacchetti pà issi deci ghjorna.
Di pettu à issa pessima situazioni, u stabilimentu francesu di u sangu hà missu in anda u dispusitivu « Alerte Rouge ».
Sischi d’invernu, cuntestu sucioecunomicu, cundizioni meteurulogichi, ripresa di u COVID : sò parichji i raghjoni da spiicà a poca fraquintazioni di i racolti di sangu pà issi sittimani. A chjama à a mubilisazioni di a sittimana passata ùn n’hà avutu effetti, è a calata di i pruvisti hè à veru un pinseri : sò menu di 80 000 i doni dispunivuli ad oghji, è ci ni vurria più di 100 000.
Pricisa François Toujas, u prisidenti di l’EFS chì « a situazioni inchieta à veru : a fraquintazioni di i racolti hè troppu bassa, è i perspettivi à vena pà u principiu di l’annu sò sempri pessimi, in un ambienti dilicatu sempri, cù a crisa energetica, u climu suciali… Ci voli à andà à dà u so sangu, ancu trà Natali è Capu d’Annu.
Lampemu una chjama à tutti, da risponda à i bisogna è anticipà l’entra di l’annu novu, chì pudaria essa cumplicatu ».
Sè a situazioni ùn veni middurata à curtu andà, l’EFS hà da avè u pinseri par furniscia i stabilimenta di saluta in prudutti sanguini.
Sur le même sujet
