Alerte Orange au vent maintenue jusqu'à mardi 21h00
(A ridazzioni d'Alta Frequenza) - A Corsica si teni a so vighjulanza arancina parvia llu ventu, sinu à marti à novi ori di sera à u minimu.
Luni in fin’di dopu meziornu, i buffulati vani da 150 à 200 chm à l’ora, da a Balagna à u Capicorsu. Duvaria durà, issu vintulionu, tutta a nuttata è sinu à marti matina, cù colpu à colpu buffulati da supra à i 200 chm à l’ora.
In i circonda bastiacci, u ventu pidda forza è pudaria tuccà colpu à colpu i 130 o 160 chm à l’ora, luni in sirintina è sinu à a notti. Duvaria calà marti in fin’di dopu meziornu.
In muntagna, u ventu pidda forza luni in dopu meziornu, par ghjunghja ni à buffulati chì pudariani tuccà i 100 o 120 chm à l’ora. In a notti da luni à marti, pudaria ancu ghjunghja à tuccà i 160.
Infini, issi buffulati tuccarani a piaghja à livanti, da Portivechju à a Sulinzara, è pudariani andà da 130 à 150 chm à l’ora.
Di regula, issi venta duvariani calà, toccu marti dopu meziornu.
Sur le même sujet
