Alerte Météo Vent violent en Haute-Corse !
(A redazzioni d'Alta Frequenza) - Météo France hà diffusatu una vigilenza arancia pà u fenomenu "ventu forti" à partasi da ssu marcuri à meziornu è fin'è ghjovi à mezanotti. Buffulati chì poni tuccà i 200 chilometri à l'ora sò aspittanti duranti l'episodiu. Duranti a matinata di ssu marcuri, u ventu da punenti si rinforza à pocu à pocu. À partasi da meziornu è soprattuttu dopu meziornu è duranti a sirata, i venti ani da duvintà viulenti. I buffulati aspittati sò trà 180 è 200 chilometri à l'ora in Capicorsu è in Capusacru. Buffulati trà 120 è 150 chilometri à l'ora tuccarani u rughjonu bastiacciu, a parti suttanta di a piaghja urientali (soprattuttu da A Sulinzara fin'è Purtivechju), eppo i cresti. L'intensità duvaria calà in fin di nuttata di marcuri à ghjovi. Ssi dati meteurologichi mantenini u risicu di focu à u nivellu altu. Hè dunqua pruibitu di fà fochi trà marcuri è ghjovi inde tuttu u dipartimentu di Corsica Suprana.
Sur le même sujet
