Alerte au vent en Corse-du-Sud
(A redazzioni d'Alta Frequenza) - Alerta à u ventu in Corsica Suttana. Dipoi u principiu di issu dopu meziornu (marcuri), u dipartimentu hè toccu da un episodiu di venti viulenti. Iss'ultimi soffiani da 60 à 80 chilometri à l'ora cullendu ancu à 100 è 120 chilometri in buffulati nant'à u Stremu Suttanu è in muntagna. U ventu si duvaria rinfurzà dumani (ghjovi) in principiu di dopu meziornu, cù buffulati à punenti /nordu punenti da 110 à 130 chilometri à l'ora nant'à tuttu u dipartimentu, o ancu di modu puntualli da 130 à 150 chilometri à l'ora ind'a sirata, in muntagna è nant'à u Stremu Suttanu. Iss'episodiu s'accumpagnarà da un mari "vultuliatu" à "assai marosu" nant'à a costa uccidintali è i Bocchi di Bunifaziu, cù marosuli frà 4 è 6 metri, ancu drentu à i golfi. Di pettu à issi cundizioni meteurulogichi, a prifettura di Corsica Suttana chjama à a più grandi prudenza.
Sur le même sujet
