Alerte à la pollution atmosphérique sur Bastia et sa région
(A redazzioni d'Alta Frequenza) - Qualitair Corse hà publicatu stamani (ghjovi) un avisu d'alerta à a pulluzioni atmosferica. Ssu tempu forti di pulluzioni atmosferica hè in corsu in Bastia è u so rughjoni, ma di pettu à i cundizioni meteorologichi, duvaria essa in traccia d'evuluà, è Qualitair Corsica publicarà in fin di dopu meziornu un avisu novu. Par avà, ni semi solu à u nivellu d'alerta minimu, vali à dì ch'ellu ùn dumanda micca di cambià i so cumpurtamenti à u nivellu di a cunsumazioni di tutti i cumbustibuli. Ci voli à rammintà chì i misuri d'urghjenza sò presi da i prifitturi chì poni impona par asempiu restrizzioni di vitezza pà i vitturi, ma par avà ùn ci semi ancu. Hè racumandatu malgradu tuttu d'ùn brusgià micca prudutti vegetali par asempiu, par ùn pruducia micca particuli.
Steti à senta à Rosanna Casale, incaricata di a cumunicazioni ind'è Qualitair Corse.
