Albertacce : 40 hectares partis en fumée dans un incendie
L’hà fatti i danni, u focu di E Lupertacce ! Più di quaranta ettari sò picciati in i circonda di Calasima.
I 75 spinghjifoca sò stati aiutati da un elicottaru bumbardieri d’acqua, dui Canadair è u Dragon 2B.
I mezi aerei sò stati mubilizati in cunsiquenza dunqua, par luttà contru à issu incendiu accatizzatu da u ventu.
I suldata di u focu ni sariani guasgi à spinghja lu, issu focu, ma ci vol’ quantunca à essa attenti, chì tira sempri u ventu issu marti.
