Le Direct

Ajaccio : une enquête pour redynamiser le centre-ville

(A redazzioni d'Alta Frequenza) - Hè lanciata di manera ufficiali ssu ghjovi è fin'è a fini di u mesi di sittembri un'inchiesta suciali è ecunomica trasfruntaliera rializata da l'Università di Corsica, in cullaburazioni stretta cù a Cità d'Aiacciu, in u quadru di u prughjettu Cumpetitività è Innuvazioni di l'Intrapresi di i Cità Purtuarii. Un studiu purtatu ind'i zoni portu è centru cità di i cumuni d'Alghero in Sardegna, di Ghjenuva in Liguria, di Portoferraio in Tuscana, d'Antibes Juan les Pins inde l'Alpi Marittimi è dunqua d'Aiacciu, cità capimachja. Cù a prisenza di circadori nant'à u tarrenu, dui quistiunarii sarani distribuiti, unu à i lucali, l'altru à i turisti chì fraquinteghjani u centru cità pà pudè cunnoscia i so bisogni è ciò ch'elli aspettani. I scopi : fà crescia a cumpetitività di l'intrapresi in cori di a cità eppo aiutà quissi quì mittendu in opara mezi novi. Dà di più dinamisimu à u centru di a cità d'Aiacciu, un inghjocu puliticu maiò à u mumentu induv'elli fiuriscini parechji prughjetti fora di ssa cità, un affari chì ùn và micca contr'à a salvezza di u cori di a cità impiriali malgradu tuttu, d'appressu à Christian Balzano.

Eccu l'aghjuntu à u merri in carica frà altru di i Halles è marcati, dilegatu à u cummerciu è à l'artisgianatu.