Ajaccio touché également par des chutes de neige ce soir
(A redazzioni d'Alta Frequenza) - Nivati forti ani toccu a Corsica Suttana oghji (dumenica), a circulazioni ind'a foci di Vizzavona hè stata sarrata una bella parti di u dopu meziornu. Hè stata riaparta in principiu di sirata, ancu puru s'è l'arnesi spiciali sò ubligatorii. I valli di a Gravona è di u Prunelli sò sempri tocchi da nivati. Parechji paesi vicinu ad Aiacciu sò stati cuncirnati dinò, com'è Afà, Alata, Bastilicaccia. Stasera, tocca dinò à a cità Imperiali, postu chì nivati l'ani tocca versu 7 ori è 30, ciò chì hà resu ancu a circulazioni difficiuli in certi lochi, frà altru nant'à u corsu Grandval, duva vitturi sò stati assai disturbati. Tuttu issu gattivu tempu, chì hè menu forti par avà, pudaria ripighjà appena più tardi ind'a sirata. A più grandi prudenza hè racumandata.
Voir des photos du cours Grandval sous la neige, avec notre partenaire la Corsicathèque.
Sur le même sujet
