Ajaccio : occupation symbolique des locaux du Syvadec
(A redazzioni d'Alta Frequenza) - Occupazioni simbolica ssu marti di u Syvadec in Aiacciu da u Cullittivu Pà un Pumonte Pulitu. U cullittivu vulia fà sapè ch'ellu hè "contr'à u rimpiazzamentu di u fossu di rumenzuli in Vicu da una piattaforma pà fà compost". Pà un Pumonte Pulitu dumandava dinò i furmalità d'abbandonu di a piattaforma. Un'azzioni ch'ellu ùn hà micca capitu u Syvadec, soprattuttu chì da a parti di a direzzioni ùn c'hè statu nulla di novu cuncirnendu a missa in ballu di ssa piattaforma è chì i riunioni di cuncertazioni cuntinueghjani. Nisun marcatu hè statu validatu, nisun scelta hè stata fatta, sicondu u Syvadec chì incalca torna nant'à ss'incumprensioni è a so brama di cuntinuà a cuncertazioni.
Steti à senta à Catherine Luciani, a direttrici di u Syvadec.
Sur le même sujet
