Ajaccio : les travaux pour renforcer la dalle de la place du Diamant ont débuté
(A redazzioni d'Alta Frequenza) - Lamelli di calchì millimetru di spessori pà pudè rinfurzà a sciappa di a piazza di u Diamanti : pò parè stranu, eppuru hè a tennulugia chì hè stata ritinuta pà renda à a piazza a più impurtanti di a cità d'Aiacciu u so rollu. Si tratta d'una tennulugia nova aduprata frà altru pà rifà i ponti. I lami di carboniu, ci ni sarà quantunqua 10 chilometri à stallà, sò incollati cù a rasgina epossidida, ciò chì dà una rigidità propiu impurtanti. U cantieru, pocu spittaculariu, parmittarà à u parking di u Diamanti di viaghjà d'una manera guasgi nurmali. U costu pà a cità sarà quantunqua di più d'800 000 auri. Una bona nutizia : a piazza di u Diamanti sarà dispunibuli pà tutti i manifistazioni à u principiu di u mesi d'aostu.
Steti à senta à Jean Joseph Folacci, u direttori generali di i sirvizi tennichi di a cità d'Aiacciu.
