Ajaccio : le Parti Communiste inquiet pour l’hôpital
(A ridazzioni d'Alta Frequenza) - Da u principiu lla branata, i parlimintarii cumunisti, sinatori è diputati, ani attaccatu un ghjiru di francia di i spidali è di l’EHPAD. U diputatu lli Bouches du Rhône, Pierre Dharréville, hà scuntratu i parsunala lli spidali d’Aiacciu è Bastia, è hà aghjà avirtutu u ministeru lla saluta à u sughjettu lli difficultà di i spidala isulani. Ed hè a situazioni llu spidali d’Aiacciu ch’impinsirisci à veru. Ben’ch’iddu sichi guasgi finitu, ùn si sà ancu, ad oghji, com’iddi sarani finanzati l’echippamenti. Duvaria essa a vendita di i tarreni di a Misericordia à assicurà li, ma ùn pari ancu essa finalizatu u prughjettu lla SPL « Ametarra ». Altru pinseri, ùn sò ancu prugramati i travaddi stradaghji, da pudè ghjunghja à u spidali novu. Postu chì u Pianu Righjunali lla Saluta hà da entra in
la fasa finali lla cuncirtazioni publica, hè più chè ora d’agì, com’idda a ci dici Anissa-Flore Amziane, pà a Fidirazioni di Pumonti llu partitu cumunistu.
Sur le même sujet
