Ajaccio : le lycée Fesch participe au Goncourt des Lycéens
(A redazzioni d'Alta Frequenza) - U Premiu Goncourt 2016 sarà cunnisciutu da quì à calchì ghjornu davanti à u bullori scemu di tutti i ghjurnalisti di u mondu sanu. Eppuru, c'hè un antru Premiu Goncourt chì faci soca menu parlà d'ellu ind'i media, hè u Goncourt di i Liceani. In fatti, una scola in un liceu t'hà a missioni difficiuli di sceglia l'opara chì à parè di a ghjuventù raprisenta quilla chì hè a più bona pà i ghjovani. Una scola di u liceu Fesch d'Aiacciu sarà in carica duranti dui mesi di studià tutti i libri chì participarani à ssu cuncorsu. Sò stati rimessi calchì ghjornu fà à ssa scola di 2nda 5. Tocca à ella oramai à studià, analizà, scurticà a selezzioni pà pudè fà a so scelta.
Steti à senta à Marie Laure Cera Paoli, prufissori di lettari in u liceu Fesch.
