Ajaccio : le dossier de la centrale électrique du Ricantu avance
L’arrestu ministiriali chì difinisci u tassulu di rimunirazioni di u capitali immubilizatu pà u prughjettu di a nova cintrali di pruduzzioni d’elettricità di u Ricantu – in Aiacciu – chì viaghja cù u bioliquidu, zifratu da u ministru di l’ecunumia, di i finanzi, di a suvranità industriali è numerica, hà da essa publicatu à nantu à u ghjurnali ufficiali da quì à a fini di a sittimana.
Issa dicisioni, in cunfurmità cù l’ingagiamenti presi da u guvernu in u quadru di a prugramazioni plurianninca di l’energia di Corsica, rivista à fin’di marzu llu 2023 è validata via u dicretu di u 30 ghjunghju di u 2023, si hè pussuta piddà gramazia à a bedda mubilisazioni di i sirvizia di u statu, ch’idda sichi à liveddu lucali o à liveddu cintrali.
A missa in anda d’issa nova cintrali elettrica, chì hà da rimpiazzà à quidda llu Vaziu, viaghja par avali com’idda hè stata privista.
Issu prughjettu, chì riprisenta 800 miliona d’auri finanzati da EDF è da u statu, hè di gran’ primura pà a sicurisazioni energetica di u tarritoriu isulanu, è pà a so transizioni energetica è eculogica.
I travadda, chì EDF n’hè maestra d’opara, ani da pudè principià in i sittimani à vena, cù a pussibilità d’una missa in anda d’issu novu sirviziu di pruduzzioni elettrica pà u 2027.
