Ajaccio : le Conservatoire Henri Tomasi inauguré ce samedi
A cità d’Aiacciu è i so soci inaugurighjani issu sabbatu u cunsirvatoriu di musica, di baddu è d’arti dramatica Henri Tomasi.
Postu à nantu à l’anzianu situ di u culleghju di u Finuseddu, à nantu à circa 3 000m², s’accoddi in un locu solu tutti l’attività di u insignamentu artisticu di u Cunsirvatoriu, chì ricevi circa 650 elevi in Aiacciu.
U bastimentu t’hà in facciata sittanta pali architettonichi in cimentu armatu, chì t’ani una sumidda cù una partizioni di u cumpunitori corsu Henri Tomasi (1901-1971), spieca a municipalità.
L’affari hè custatu 11,113 miliona senza i tassi.
Hè statu finanzatu da u statu, à liveddu di u PEI, da a cullittività di Corsica è da a cità d’Aiacciu.
In pedi à pianu, ci si trovani u locu d’accolta di u publicu, un auditorium di 200 piazzi, una sala d’orchestra è di curali di 100m², è sali di cursi. Una parti di i lucala hè didicata à u centru d’insignamentu è di risorzi musicali numerichi.
U pianu -1, chì hè apartu à unu spaziu vegetalizatu, t’hà deci sali, trè studii di baddu cù spuddatoghji, è una sala didicata à l’arti dramatichi.
U pianu – 2 si teni u dipartimentu jazz è musichi attuali, i scagni amministrativi, è i spazia didicati à i percussioni, à i tecnichi è à a riprugraffia, spieca a cità d’Aiacciu.
