Ajaccio : fortes precipitations et inondations
(A redazzioni d'Alta Frequenza) - Aiacciu hè stata tocca da acquati forti in calchì ora. I servizii di i spignifochi di Corsica Suttana sò intarvinuti parechji volti stasera (marcuri). Di fattu, l'accessu à a Cunfina II hè chjosu par via di una falata di petri impurtanti. Una parsona hà cunnisciutu difficultà maiò dopu chì a so vittura sighi falata inde l'acqua; hè stata succorsa in furia. Ancu di grazia, hè salva. A strada di a Cunfina II hè sempri tagliata à a circulazioni, i servizi tennichi di a cità è di u Statu travaghjani pà rimetta tuttu in ordini. In Trova dinò, petri sò falati nant'à a strada, mentri chì un magazenu di mobuli hè statu inundatu nant'à a cumuna di Sarrula Carcupinu.
Sur le même sujet
